ಹೌದಪ್ಪ ಹೌದೋ ನೀನೇ ದೇವರಾ

- ಶಿಶುನಾಳ ಶರೀಫ್

ಹೌದಪ್ಪ ಹೌದೋ ನೀನೇ ದೇವರಾ
ನಿಂದ ನೀ ತಿಳಿದರ ನಿನಗಿಲ್ಲೋ  ದೂರಾ                              ||ಪ||

ನೀರಿಲ್ಲದ ಜಳಕ ಮಾಡಿರಬೇಕೋ
ಅರಿವೆಯಿಲ್ಲದ ಮಡಿಯ  ಉಟ್ಟಿರಬೇಕೋ
ಊಟಯಿಲ್ಲದ ಹೊಟ್ಟೆ ತುಂಬಿರಬೇಕೋ                               ||೧||

ನಿದ್ದೆಯೊಳಗೆ ಸದಾ  ಎಚ್ಚರವಿರಬೇಕೋ
ತಂಬಾಕಿಲ್ಲದ ಬತ್ತಿ  ವಳೆ ಸೇದಿರಬೇಕೋ                             ||೨||

ಶರೆ ಕುಡಿಯದೇ ನಿಸೆಯಾಗಿರಬೇಕೋ
ಎಬಡಾತಬಡಾ ನಾಲಿಗೆ ಬಿದ್ದಿರಬೇಕೋ
ಮೋಜಿಲಿ ಹೋಗಿ ಶಿಶುನಾಳಧೀಶನ ಪಾದಕೆ ಬಿದ್ದಿರಬೇಕೋ  ||೩||

         *****

ಕೀಲಿಕರಣ: ಶ್ರೀಕಾಂತ್ ಮಿಶ್ರಿಕೋಟಿ

Posted in: ಕವನ,ಶಿಶುನಾಳ ಶರೀಫ್,Dravidian Literature,Kannada Literature,Sharief,Shishunal