ಅಪ್ಪ ನೀನಾಗಬೇಡ ದಪ್ಪ

- ಗಿರಿಜಾ ದಿನಕರ ವೈ

ಅಪ್ಪ ಅಪ್ಪ ಅಪ್ಪ
ನೀನಾದೆ ತುಂಬಾ ದಪ್ಪ
ಇನ್ನಾದರೂ ಬಿಡು
ತಿನ್ನೋದನ್ನ ತುಪ್ಪ

ಬೆಳಿಗ್ಗೆ ಎದ್ದು ಓಡು
ಹೊಟ್ಟೆ ಕರಗುತ್ತೆ ನೋಡು
ನಿತ್ಯ ನಡೆದಾಡು
ಸ್ಕೂಟರ್‌ನ್ನ ಷೆಡ್ಡಲ್ಲಿಡು

ತಿನ್ಬೇಡ ನಾನ್ ವೆಜ್ಜು
ವೆಜ್ಜಲ್ಲೆ ಅಡುಗೆ ಸಜ್ಜು
ಅಮ್ಮನ ಕೈಯ ಗೊಜ್ಜು
ಕರಗುತ್ತೆ ಮೈಯ ಬೊಜ್ಜು

ನಿನ್ ಕೆಲ್ಸ ನೀನೆ ಮಾಡು
ಆನಂದ ಆಮೇಲೆ ನೋಡು
ಗಾಂಧಿ ಹೇಳಿದ ಮಾತು
ಒಂದೊಂದು ಒಳ್ಳೆ ಮುತ್ತು.

    *****

ಕೀಲಿಕರಣ: ಕಿಶೋರ್‍ ಚಂದ್ರ

Posted in: ಗಿರಿಜಾ ದಿನಕರ ವೈ,ಬಾಲ ಕವನ,Dravidian Literature,Girija Dinakara Y,Kannada Literature