ಸ್ಥಿರವಲ್ಲಾ ಕಾಯಾ ಸ್ಥಿರವಲ್ಲಾ

- ಶಿಶುನಾಳ ಶರೀಫ್

ಸ್ಥಿರವಲ್ಲಾ  ಕಾಯಾ ಸ್ಥಿರವಲ್ಲಾ   ಈ ಅ-
ಸ್ಥಿರ ಶರೀರವ ನಂಬಲಿಬ್ಯಾಡಾ                    ||ಪ||

ಮರಳಿ ಮರಳಿ  ಬಹು ತ್ವರದಿ ಭವಕೆ ಬಂದು
ಸೊರಗಿ ಸುಖ-ದುಃಖ  ಎರಡರ ಮಧ್ಯದಿ        ||೧||

ಆತ್ಮವಿಚಾರವು ಆತ್ಮದೊಳಗಿರುತಿರೆ
ಆತ್ಮ ಪರಮಾತ್ಮನ  ಪ್ರಮಾಣಿಸಿ  ನೋಡಿದ   ||೨||

ಅಂದಿಗಿಂದಿಗೆ  ಒಂದೆ ತಂದೆ ಗುರುಗೋವಿಂದಾ
ಸುಂದರ ಶಿಶುನಾಳಧೀಶನ ಕಂದಾ              ||೩||

        *****

ಕೀಲಿಕರಣ: ಶ್ರೀಕಾಂತ್ ಮಿಶ್ರಿಕೋಟಿ

Posted in: ಕವನ,ಶಿಶುನಾಳ ಶರೀಫ್,Kannada Literature,Sharief,Shishunal