ವಿಸ್ಮಯ

- ಗಿರಿಜಾಪತಿ ಎಂ. ಎನ್

ಕಾಣದ ಕೈಗಳ ಲೀಲ ಹಾದಿಯಲಿ
ಸಾಗಿದೆ ವಿಶ್ವದ ತೇರು,
ಮಾಣದ ಶಕುತಿಯ ಮಾಯಾದೋಳಲಿ
ನಡೆದಿದೆ ಸೃಷ್ಟಿಯ ಉಸಿರು.

ನಿನ್ನಯ-ನನ್ನಯ, ನಿನ್ನೆಯ ಇಂದಿನ
ನಾಳೆಗಳಾ ಕತ್ತಲೆ ಬೆಳಕು
ಬೀಳುತಲೇಳುತ ಸಾಗೆ ನಿರಂತರ
ಶೂನ್ಯ ಥಳುಕು ಬಳುಕು.

ಚಿರ-ಸ್ಥಿರ-ಚರ ಚಿರಂತನವಾವುದೋ
ಅಳಿವು-ಉಳಿವು ಹೊಳಪಿನಾ ಸುಳಿಗೆ
ಯಾವ ಕೈಗಳ ಸಾಲುಗಳಿವೆಯೋ
ತೇರ ನೆಳೆಯುವ ದಿನ ಸರದಿಗೆ

ಯಾತ್ರೆ-ಜಾತ್ರೆಯಾ ಸಂದಣಿಯಲ್ಲಿ
ಕೊಟ್ಟು-ಕೊಳ್ಳುವರು ಯಾರೋ
ನೀಲಾಗಸವ ನೋಡುವ ತವಕದಿ
ಮುಗಿ ಬೀಳೆ ನಗದವರು ಯಾರೋ....

        *****
ಕೀಲಿಕರಣ: ಕಿಶೋರ್‍ ಚಂದ್ರ

0 ಕಾಮೆಂಟುಗಳು:

ಕಾಮೆಂಟ್‌‌ ಪೋಸ್ಟ್‌ ಮಾಡಿ